Pondoha eon. Mag NBA eon.

"Ro Bullying hay Makamaeatay."

Nahadlok ka baea magsueod sa eskuylahan tungod sa imong kaklase, maestro, maestra, o komunidad? Nakabaton ka baea it maeain nga mga text, chat, o social media posts nga gasamad sa imo nga pagkatawo? Kun natabo kimo ra, ikaw hay biktima it 'bullying'.

Ro DepEd Aklan NBA: No Bullies Allowed hay isa ka programa nga gabulig sa pag-report it bully diretso sa opisina it DepEd Aklan Division Office. Ginagamit ro report sa madali nga pagbuoe it ebidensya para sa imbestigasyon.

Ano ro "Bullying"?

Ro bullying hay mga aksyon nga pisikal o emosyonal na makasakit sa biktima. Daya hay pwede matabo bisan siin sa eskuylahan o kun sa internet. Bisan sin-o hay pwede maging biktima o maging bully.

Ano ro mga aksyon ngara?

Pwede ka maging biktima it bullying kun ikaw hay (1) ginsakit nga pisikal, (2) ginbantaan nga sakiton, (3) ginhambaean it maeain, o kun (4) gin-insulto sa atubang it iba nga mga tawu. Daya hay mahambae nga bullying kun natabo ra sa sueod o kun sa gwa it eskuylahan, online, text message, chat, o kun tawag sa telepono.

Klase it 'Bullying'

Eain-eain ro klase it bullying. Daya hay pwede nga isang beses o kun uman-uman. Daya hay pwede nga pisikal, pamahog, nakasueat, ginhambae, or kun ginpadaea gamit ro elektronik nga pamaagi nga maka-apekto sa biktima ag gaubra it maneain nga eksperyensya sa biktima sa eskuylahan. Daya ro mga klase it bullying:

1. Pisikal

Pwede ra nga pagsumbag, pagtikeod, panipa, panampae, pang-itik, headlock, school pranks, teasing, fighting ag paggamit it weapons.

2. Emosyonal

Mga obra nga makasakit sa emosyonal nga estado it biktima. Pwede ra nga pamahog, labeling, belittling, pagmura, ag pang-insulto.

3. Slander

Daya hay mga maeain nga hambae parti sa kinatawo it biktima. Pwede ra nga pagsamad sa anang personalidad ag anang pamilya, pag-label, pagkomentar it maeain sa anang itsura, eambong, eawas, etc.

4. Cyber Bullying

Daya hay pag-bully gamit ro cellphone, email, chat, social media, online games, o iba pa. Pwede ra nga pamahog, harassment, o pag-insulto gamit ro teknolohiya.

I-report ro bully

Hindi magkahadlok nga i-report ro bully. Ipasa ro form ngara agod maimbestigahan ro pag-bully kimo o kun sa iban.

Your identity will not be disclosed.
Pwede nga picture o kun video.

  • Address

    DepEd Aklan Gender and Development Section
    Arch. G. M. Reyes St., Kalibo
    Aklan

  • Email

    roland.democrito@deped.gov.ph

  • Phone

    (036) 268 3563